ຍ້ອນການເພີ່ມຂື້ນຂອງຈຳນວນປະຊາກອນເຮັດໃຫ້ພື້ນທີ່ຮາບພຽງສ່ວນຫລາຍຖືກໃຊ້ ແລະ ບຸກເບີກເຮັດເປັນບ່ອນຢູ່ອາໄສຫລາຍຄົນກໍ່ມັກຈະພົບກັບບັນຫາຄືມີເນື້ອທີ່ດີນເຮືອນຂະຫນາດນ້ອຍ ແລະກໍ່ສ້າງໃຫ້ເຫມາະສົມກັບດີນ ເຮືອນຂະຫນາດນ້ອຍກໍ່ບໍ່ຮູ້ຈັດແຈງສະຖານທີ່ໃຫ້ເຫມາະສົມ ໂດຍສະເພາະຫ້ອງຄົວ ຫລາຍໆຄົນແມ່ນວາງບໍ່ຖືກຫລັກການ ແລະເຮັດໃຫ້ການເຮັດເຂົ້າກີນຢູ່ບ້ານເປັນເລື່ອງທີ່ຍາກ Sabaidee Home ເລັ່ງເຫັນບັນຫານີ້. ດັ່ງນັ້ນມື້ນີ້ຈະມາສອນເທັກນີກການຈັດຫ້ອງຄົວຈັດແນວໃດໃຫ້ງາມຈັດແນວໃດໃຫ້ມີພື້ນທີ່ໃຊ້ສອຍຄົບຖ້ວນ
- ທິດຂອງຫ້ອງຄົວແມ່ນຕ້ອງຢູ່ຕຳແຫນ່ງທີ່ເຫມາະຢູ່ໃນທິດທາງທີ່ຮັບແສງເຂົ້າແລະລະບາຍອາກາດອອກໄດ້ດ
“ທິດຕາເວັນອອກ ແລະ ທິດໃຕ້ ແມ່ນທິດທີ່ມີແສງສະຫວ່າງໄດ້ເມີ່ດມື້”
ຕັ້ງຫ້ອງຄົວຢູ່ໃນທິດທາງຂອງຕາເວັນອອກ ຫລື ທິດໃຕ້ ເພາະການສ້າງຫ້ອງຄົວໄວ້ທິດຕາເວັນອອກຈະໄດ້ຮັບແສງແດດໃນຕອນເຊົ້າ ຄວາມຮ້ອນຂອງແສງແດດແມ່ນຢູ່ໃນລະດັບທີ່ເຫມາະສົມ ບໍ່ຮ້ອນເກີນໄປ, ສວ່ນທິດໃຕ້ແມ່ນທິດທີ່ລົມພັດມາຕະຫລອດຖ້າມີປ່ອງຢ້ຽມຈະເຮັດໃຫ້ລະບາຍອາດກາດໄດ້ດີຫລາຍກວ່າເກົ່າ.
- ຫລີກລ້ຽງການສ້າງຫ້ອງຄົວໄວ້ໃນມຸມອັບ ເພາະນອກຈາກຈະມືດທືບ, ອາກາດຈະບໍ່ຖ່າຍເທແລ້ວ ຈະເຮັດໃຫ້ເກີດກີ່ນເຫມັນຢູ່ໃນຫ້ອງຄົວ ແລະ ອາດເຫມັນໄປທົ່ວເຮືອນໄດ້
2. ຕຳແຫນ່ງຂອງເຮືອນຄົວຢ່າໃຫ້ເຄີ່ງກັບຫ້ອງນອນ ຫລື ຫ້ອງເຮັດວຽກ
ເຮືອນຄົວບໍ່ຄວນຕັ້ງຢູ່ເຄີ່ງກັບຫ້ອງນອນຊັ້ນເທິງ ເພາະມີທັງກິ່ນ ແລະ ສຽງດັງ ໃນຂະນະທີ່ເຮົາກຳລັງແຕ່ງກິນ ມັນອາດຈະລົບກວນການພັກຜ່ອນຂອງເຈົ້າ ຫຼື ສາມາດລົບກວນການເຮັດວຽກຂອງທ່ານໄດ້ແຖມຍັງມີໂອກາດທີ່ກິ່ນຈະຕິດຢູ່ໃນຫ້ອງ. ແທນທີ່ຈະ, ເປັນຫ້ອງທີ່ງຽບສະຫງົບທີ່ເຫມາະສົມສໍາລັບການພັກຜ່ອນ ແລະ ເຮັດວຽກ. ມັນອາດຈະເຮັດໃຫ້ໃຊ້ຫ້ອງຄົວແບບບໍ່ສະດວກ ອາດຈະເຮັດໃຫ້ພາກັນອາລົມເສຍໄ້ດ້ຍ້ອນ.
3. ແຍກໂຊນຢ່າງຊັດເຈນ
“ໂຊນ A ແມ່ນບ່ອນເກັບມ້ຽນເຄື່ອງ,ໂຊນ B ແມ່ນທໍາຄວາມສະອາດ,ໂຊນ C ແມ່ນປຸງອາຫານ 3 ໂຊນນີ້ທຸກເຮືອນຄົວຕ້ອງມີ”
ເຮືອນຄົວແມ່ນຖືວ່າເປັນຫ້ອງທີ່ມີລາຍລະອຽດຫຼາຍເລີຍກໍ່ວ່າໄດ້ ເພາະເວລາເຮົາແຕ່ງກິນມີແມ່ນຫຼາຍຂັ້ນຕອນ. ນັບຕັ້ງແຕ່ເວລາຂອງການກະກຽມ, ປຸງແຕ່ງອາຫານ ແລະ ການທໍາຄວາມສະອາດ. ການຕົບແຕ່ງເຮືອນຄົວໃຫ້ເຫມາະສົມ ສະນັ້ນ, ໂຊນຕ່າງໆຄວນແບ່ງອອກຢ່າງເປັນລະບຽບ ເພື່ອໃຫ້ສະດວກໃນການໃຊ້ງານຫຼາຍທີ່ສຸດ, ສ່ວນຫລາຍແບ່ງອອກເປັນ 3 ເຂດຄື:
- ໂຊນ A ແມ່ນໃຊ້ເກັບເຄື່ອງຕູ້ເຢັນ, ຕູ້ເກັບເຄື່ຶອງແຫ້ງ, ຊັ້ນວາງສໍາລັບເກັບຮັກສາອາຫານສົດ, ເຄື່ອງປຸງອາຫານ,ພາຊະນະ, ອຸປະກອນການເຮັດກີນແມ່ນຖືກຈັດຢູ່ໃນໂຊນນີ້. ມັນໄດ້ຖືກອອກແບບເພື່ອໃຫ້ງ່າຍທີ່ຈະເລືອກເອົາ ແລະ ນໍາໃຊ້ໄດ້ຢ່າງສະດວກ.
- ໂຊນ B ຖືກນໍາໃຊ້ສໍາລັບການທໍາຄວາມສະອາດ: ອ່າງລ້າງຈານ, ຈັກລ້າງຖ້ວຍ,ບ່ອນມ້ຽນຈານ ອຸປະກອນທໍາຄວາມສະອາດທັງຫມົດ. ຄວນອອກແບບໃຫ້ຢູ່ໃກ້ ຫຼື ໃຊ້ຮ່ວມກັບເຂດກະກຽມອາຫານ ມັນຈະສະດວກໃນການນໍາໃຊ້ແຖມປະຫຍັດພື້ນທີ່.
- ໂຊນ C ແມ່ນໃຊ້ສໍາລັບການກະກຽມ ແລະ ປຸງແຕ່ງອາຫານ ເຕົາແກ໊ດ, ເຄື່ອງດູດອາກາດ, ເຄື່ອງໃຊ້ໄຟຟ້າຕ່າງໆສາມາດມາເຕົ້າໂຮມກັນໄດ້ໃນຈຸດນີ້. ແຕ່ຢ່າລືມປະໃຫ້ພື້ນທີ່ຢູ່ເທິງເຄົາເຕີໄວ້ວາງວັດຖຸດີບ ປ່ອຍໃຫ້ເຄື່ອງໃຊ້ໄຟຟ້າຢູ່ຫ່າງກັນຢ່າງໜ້ອຍ 1-2 ແມັດ ເພື່ອຄວາມສະດວກ ແລະ ປອດໄພ.
4. ອຸປະກອນເຄື່ອງໃຊ້ຄວນຢູ່ໃນລະດັບທີ່ພໍດີບໍ່ໃກ້ ແລະ ບໍ່ໄກຫລາຍ
“ໄລຍະຫ່າງຕ້ອງພໍດີ, ບໍ່ຈຳເປັນຕ້ອງຢື້ , ບໍ່ຈຳເປັນຕ້ອງກົ້ມຫຼາຍ”
ນອກເຫນືອໄປຈາກການອອກແບບ ແລະ ການຕົກແຕ່ງໃຫ້ສວຍງາມ ຄວນຈັດວາງອຸປະກອນຕ່າງໆໃຫ້ຈັບມາໃຊ້ໄດ້ສະດວກ. ຍິ່ງໄປກວ່ານັ້ນ, ມັນຄວນຈະຖືກຈັດໃຫ້ເປັນທີ່ເປັນທາງ ເພື່ອໃຫ້ມີພື້ນທີ່ທີ່ໃຊ້ໄດ້ສໍາລັບການປຸງແຕ່ງອາຫານ ແລະ ຂວາງກັບທາງຍ່າງ ຫຼື ເປັນອຸປະສັກໃນການປຸງແຕ່ງອາຫານ ໄລຍະຫ່າງທີ່ເຫມາະສົມຂອງຈຸດຕ່າງໆແມ່ນມີດັ່ງຕໍ່ໄປນີ້:
- ຕູ້ເກັບເຄື່ອງ : ເພື່ອເອົາອຸປະກອນສໍາລັບການປຸງແຕ່ງອາຫານ ຖ້າຕູ້ສູງເກີນໄປ, ຕ້ອງເຂົ້າຢຶ້ເອົານັ້ນສາມາດເຮັດໃຫ້ເກີດອັນຕະລາຍໄດ້. ຕູ້ເກັບເຄື່ອງ ຄວນມີຄວາມເລິກປະມານ 45 ຊຕມ ແລະສູງ 40-50 ຊຕມ ຈາກເຄົາເຕີ ຫຼື ອີງຕາມຄວາມສູງຂອງຜູ້ໃຊ້.
- ບ່ອນປຸງແຕ່ງອາຫານ ເຕົາແກ໊ສມາດຕະຖານຄວນມີຄວາມຍາວ 75-100 ຊຕມ, ພື້ນທີ່ຂ້າງເຕົາຄວນມີບ່ອນຫວ່າງປະມານປະມານ 45 ຊຕມ. ເມື່ອທ່ານແຕ່ງກີນແລ້ວ ໃຫ້ວາງຫມໍ້ ປະໄວ້ທາງຂ້າງໄດ້
- ອ່າງລ້າງຖ້ວຍ: ທາງຂ້າງຂອງ ອ່າງລ້າງຖ້ວຍດ້ານໃດດ້ານຫນື່ງຄວນມີພື້ນທີ່ປະໄວ້ປະມານ 75 ຊຕມ ສໍາລັບວາງເຄື່ອງໃຊ້ທີ່ລ້າງແລ້ວໆ.
5. ຮູບແບບຂອງເຄົ້າເຕີຄວນເລືອກໃຫ້ເຫມາະກັບຫ້ອງຄົວ
“ຖ້າທ່ານເລືອກເຄົ້າເຕີຮູບໂຕ I, ຮູບໂຕ L, ຮູບໂຕ U ຫຼື ຮູບໂຕ G, ໃຫ້ທ່ານເບິ່ງພື້ນທີ່ຢູ່ໃນຫ້ອງກ່ອນ.”
ກ່ອນທີ່ຈະອອກແບບ ແລະ ຕົກແຕ່ງເຮືອນຄົວ ທ່ານຄວນພິຈາລະນາພື້ນທີ່ຢ່າງລະອຽດກ່ອນ. ຫ້ອງຂອງເຮົາມີຈັກຕາແມັດ? ທ່ານຈະສາມາດເລືອກເອົາຮູບແບບ ເຄົ້າເຕີແຕ່ງກີນໄດ້ ເຫມາະສົມຫຼາຍກ່ວາເກົ່າ. ມື້ນີ້ເຮົາຈະມາແນະນຳ ເຮືອນຄົວທີ່ຄົນສວ່ນຫລາຍນິຍົມຕົບແຕ່ງ
- ຫ້ອງຄົວໃນຄອນໂດຫ້ອງນ້ອຍ
ແນະນຳໃຫ້ເຮັດເຮືອນຄົວເປັນແຖວຍາວ (ເຮືອນຄົວຕິດຝາຊັ້ນດຽວ) ຫຼື ເຄົາເຕີຮູບຊົງ I, ເຮືອນຄົວປະເພດນີ້ ເໝາະສຳລັບຫ້ອງຂະໜາດນ້ອຍປະມານ 3-5 ຕາແມັດ, ມີການຕິດຕັ້ງເຄົາເຕີ ແລະ ຕູ້ເັກບອຸປະກອນຕ່າງໆ ໃກ້ກັບຝາໜຶ່ງ ຊ່ວຍປະຫຍັດພື້ນທີ່.
- ຫ້ອງຄົວໃນຄອນໂດຫ້ອງໃຫ່ຍ
ແນະນຳໃຫ້ເຮັດເຮືອນຄົວຍາວຕາມທາງຍ່າງ (Galley Kitchen) ເຮືອນຄົວປະເພດນີ້ເພີ່ມພື້ນທີ່ໃຊ້ສອຍໃຊ້ໄດ້ສໍາລັບຜູ້ທີ່ມີພື້ນທີ່ຈໍາກັດ. ເນື່ອງຈາກວ່າເຄົາເຕີຈະຖືກວາງໄວ້ທັງສອງດ້ານຂອງກໍາແພງ ມີທາງຍ່າງຢູ່ກາງ ຄວນອອກແບບຊັ້ນວາງແບບຕິດຝາເພື່ອໃຫ້ສາມາດເກັບສິ່ງເຄື່ອງໄດ້ຫຼາຍຢ່າງໂດຍບໍ່ກີນພື້ນທີ່.
- ຫ້ອງຄົວໃນເຮືອນວິນລ່າຫລັງນ້ອຍ
ແນະນຳໃຫ້ເຮັດເຮືອນຄົວຮູບຊົງໂຕ L ແມ່ນເຫມາະສົມສໍາລັບພື້ນທີ່ຂະຫນາດກາງຕັ້ງແຕ່ 6 ຕາແມັດ ຫຼື ຫຼາຍກວ່ານັ້ນ, ການວາງເຄົາເຕີຢູ່ໃກ້ກັບຝາສອງດ້ານໃນຮູບແບບ L. ການອອກແບບນີ້ເຮັດໃຫ້ມີພື້ນທີ່ຫ້ອງສໍາລັບໂຕະອາຫານ.
- ຫ້ອງຄົວຢູ່ໃນເຮືອນວິນລ່າ
ເຮືອນຄົວຮູບຊົງຕົວ U (U-Shaped Kitchen) ເຫມາະສໍາລັບພື້ນທີ່ຂະຫນາດໃຫຍ່ຕັ້ງແຕ່ 9 ຕາລາງແມ້ດ ຂຶ້ນໄປ, ຕິດຕັ້ງຕູ້ທີ່ຕິດຝາຮູບ U ເຊັ່ນດຽວກັນກັບເຄົາເຕີ. ຄວນມີພື້ນທີ່ສໍາລັບປ່ອງຢ້ຽມ ແລະ ເຄື່ອງດູດຄວັນເພຶ່ອລະບາຍອາກາດ.
- ຫ້ອງຄົວໃນພື້ນທີ່ໃຫ່ຍແບບເຫລືອເຟື່ອ
ເຮືອນຄົວຮູບຊົງ G ຫຼື ເຮືອນຄົວທີ່ມີເຄົາເຕີເກາະລວມກັນລະຫວ່າງເຄົ້າເຕີຮູບໂຕ L ຫຼື ຮູບໂຕ U ແມ່ນເຫມາະສົມສໍາລັບຫ້ອງທີ່ກວ້າງຫຼາຍ 12 ຕາແມັດຂຶ້ນໄປຖືວ່າເປັນພື້ນທີ່ເປີດໃຫ້ທຸກຄົນໃນຄອບຄົວສາມາດເຮັດໄດ້ກິດຈະກໍາຮ່ວມກັນໄດ້.
6. ຄວາມສູງຂອງເຄົ້າເຕິຢູ່ໃນລະດັບທີ່ພໍດີ ແລະ ເລືອກວັດສະດຸທີ່ດູແລຮັກສາງ່າຍ
“ໄລຍະທີ່ພໍດີໃຊ້ແລ້ວະບໍ່ມີອາການປວດຫລັງ ເລືອກວັດສະດຸທີ່ເປັນເງົາສາມາດເຮັດຄວາມສະອາດຮອຍເປື້ອນໄດ້ງ່າຍ”
ເຄົາເຕີເຮືອນຄົວເປັນອົງປະກອບທີ່ຄວນຈະຖືກເລືອກໃນລະດັບທີ່ເຫມາະສົມກັບພວກເຮົາທີ່ສຸດ. ເພາະວ່າຖ້າເຈົ້າຢືນຊອຍຜັກ ຫຼື ລ້າງຈານເປັນເວລາດົນນານ ອາດເຮັດໃຫ້ມີອາການປວດຫລັງ ລວມທັງວັດສະດຸຖ້າທາງເລືອກບໍ່ເຫມາະສົມຈະເຮັດໃຫ້ລ້າງຍາກຖ້າລ້າງງບໍ່ສະອາດຈະເຮັດໃຫ້ສົກກະປົກກວ່າເກົ່າ
- ໄລຍະ ຄວາມສູງທີ່ເຫມາະສົມເຮັດໃຫ້ການກະກຽມອາຫານງ່າຍຂຶ້ນ. ເຄົາເຕີມາດຕະຖານດັ່ງນັ້ນແມ່ນ 85-110 ຊຕມ, ອາດຈະປັບໃຫ້ສູງຂື້ນເພື່ອໃຫ້ເຫມາະສົມກັບຜູ້ໃຊ້ຫລັກ. ຄວາມເລິກບໍ່ຄວນເກີນ 60 ຊຕມ ຈະບໍ່ຈໍາເປັນຕ້ອງຢື້ອອກ ແລະ ຢື້ເຂົ້າ ເອົາເຄື່ອງຍາກຈົນເກີນໄປ.
- ວັດສະດຸດ້ານເທິງ(ຫີນອອ່ນ): ຕ້ອງການເຮັດໃຫ້ການອະນາໄມເຮືອນຄົວໃຫ້ງ່າຍຫລາຍຂື້ນ ບໍ່ຕ້ອງກັງວົນກັບຮອຍເປື້ອນທີ່ແຂງກະດ້າງ. ວັດສະດຸ ທີງເຕົ້າເຕີ ທີ່ຄົນສ່ວນໃຫຍ່ເລືອກແມ່ນປົກກະຕິແລ້ວແມ່ນມີ ຫີນອອ່ນ ຫລື ກະໂລ ຫີນທຽມ, ແກນສັງເຄາະເຈົ້້າສາມາດເລືອກຕາມແບບທີ່ທ່ານຕ້ອງການຕາມງົບປະມານທີ່ມີຢູ່.
7. ກະໂລປູຫ້ອງຄົວ
“ ປູພື້ນແບບອ່ຽງເລັກນ້ອຍ ເຮົາຈະລ້າງພື້ນເຮືອນໂດຍບໍ່ຢ້ານນໍ້າຖ້ວມ”
ການຕົບແຕ່ງເຮືອນຄົວຖ້າເປັນເຮືອນຄົວຂອງຄົນສະໄຫມກ່ອນທີ່ຈະແຍກຫ້ອງຄົວອອກຈາກເຮືອນ ຫຼື ສ້າງຄືນແຍກອອກຈາກເຮືອນ ຄວນຈະອອກແບບພື້ນເຮືອນໃຫ້ຕ່ໍາກວ່າ 5-10 ຊຕມ ແລະ ຢ່າລືມປູພື້ນເຮືອນໃຫ້ອ່ຽງເລັກນ້ອຍ ເມື່ອອະນາໄມ, ນ້ໍາຈະໄຫຼເຂົ້າໄປໃນທໍ່ໄດ້ງ່າຍ. ວັດສະດຸພື້ນເຮືອນຄວນໄດ້ຮັບການເລືອກເປັນກະໂລທີ່ມີຄວາມເຂັ້ມແຂງ ແລະ ທົນທານ. ກັນຮ້ອນ,ກັນຊືມໄດ້ດີແລະອານາໄມໄດ້ງ່າຍ.
8. ເລືອກເພດານທີ່ເຫມາະກັບເຮືອນຄົວ
“ເພດານສູງ 2.5ມ ຂື້ນໄປ, ຄວນໃຊ້ເພດານແຜ່ນລຽບ, ທາສີອອ່ນ.”
ຖ້າແຕ່ງກິນເມນູທີ່ມີຄວັນຫຼາຍ ລະບາຍອາກາດຜ່ານທໍ່ລະບາຍອາກາດ ຫຼື ບໍ່ສາມາດອອກຈາກປ່ອງຢ້ຽມໄດ້ທັນເວລາ ກິ່ນຂອງອາຫານຈະລອຍຂຶ້ນເທີງດ້ານເທິງ. ເພດານທີ່ໃຊ້ໃນການຕົກແຕ່ງເຮືອນຄົວ ຈື່ງຄວນຈະສູງກວ່າ 2.5 ແມັດຂື້ນໄປ, ໃຊ້ວັດສະດຸທີ່ມີພື້ນຜິວລຽບເຊັ່ນ: ເພດານຢີບຊຳ, ໄຟເບີຊີເມັນ. ເພື່ອເຮັດໃຫ້ງ່າຍຕໍ່ການອະນາໄມ ຄວນເລືອກສີອ່ອນໆ ມັນຈະຊ່ວຍໃຫ້ພາບລວມໃນເຮືອນຄົວໂປ່ງໂລ່ງ ແລະລະບາຍອາກາດໄດ້ດີຂື້ນ
9. ຝາຫ້ອງຄົວ
“ຄວນເລືອກໃຊ້ວັດສະດຸທີ່ເຊັດອອກງ່າຍ”
ຝາເຮືອນຄົວ, ໂດຍສະເພາະເຂດທີ່ຢູ່ຂ້າງເຕົາແກ໊ດ ແລະ ພື້ນທີ່ກະກຽມອາຫານ ມັກຈະມີຂີ້ຝຸ່ນກະແຈກກະຈາຍຢູ່ຕະຫຼອດເວລາ. ຖ້າໃຊ້ວັດສະດຸພື້ນຜິວທີ່ຫຍາບຄາຍ ອາດຈະເຮັດໃຫ້ເກີດຮອຍເປື້ອນທີ່ແຂງ ຫາກທ່ານເຊັດອອກບໍ່ຫມົດ. ຫາກທ່ານເລືອກໃຊ້ ອຸປະກອນທີ່ຕິດ ຫນ້າຜີວ laminated ຫລືກະໂລ ມັນຈະສາມາດເຊັດອອກໄດ້ທັນທີ່ຈະເຮັດໃຫ້ທ່ານອະນາໄມໄດ້ສະດວກກວ່າ.
10. ປັກໄຟ
“ທ່ານຄວນມີປັກໄຟຢ່າງຫນ້ອຍ 2 ປັກເພື່ອໃຫ້ເຈົ້າສາມາດເລືອກໃຊ້ໄດ້ສະດວກ”
ເນື່ອງຈາກວ່າເຄື່ອງໃຊ້ໄຟຟ້າທີ່ພວກເຮົາໃຊ້ສໍາລັບການປຸງແຕ່ງອາຫານບໍ່ໄດ້ມີພຽງແຕ່ເຄື່ອງດຽວ ແຖມຍັງມີ ເຄື່ອງປັ່ນນ້ຳຫມາກໄມ້, ໄມໂຄເວຟ ແລະ ຍັງມີອຸປະກອນອື່ນໆອີກຫລາຍຢ່າງ. ການຕົບແຕ່ງເຮືອນຄົວກໍ່ຄວນຄຳນືງເຖີງປັກໄຟທີ່ໃຊ້ໃນນຳ. ຄວນກະກຽມຢ່າງຫນ້ອຍ 2 ຈຸດ, ໂດຍເບີ່ງພື້ນທີ່ໃຊ້ຕະຫລອດ. ເມື່ອແຕ່ງກິນ, ທ່ານສາມາດສຽບປັກໄຟ ແລະ ໃຊ້ໄດ້ທັນທີ່ ໂດຍບໍ່ຈໍາເປັນຕ້ອງຍ່າງໄປບ່ອນອື່ນ.
