ຄວາມໝາຍ ແລະ ພະລັງຂອງແຕ່ລະສີ
ພະລັງຂອງສີແມ່ນ ສີ່ງທີ່ປະະຕິເສດບໍ່ໄດ້ເລີຍວ່າມີຜົນກະທົບ ແລະ ສາມາດບົ່ງບອກໄດ້ເຖີງອາລົມ ການສ້າງລັງສີ, ລັດສະໝີ(ອໍລ່າ) ແລະ ພະລັງງານໃຫ້ກັບຊີວິດ ແລະ ບັນຍາກາດແວດລ້ອມ ຮູ້ບໍ່ວ່າແຕ່ລະສີແມ່ນມີຄວາມໝາຍ ແລະ ຄວາມສຳຄັນແບບໃດແນ່
- ສີແດງ(ຊື່ສຽງ ແລະ ລາບຍົດ)
ຄວາມໝາຍ
ຄວາມຮັກ, ຄວາມຫຼົງໄຫຼ, ຄວາມຕື່ນເຕັ້ນ, ຄວາມກະຕືລືລົ້ນ, ຄວາມສົນໃຈ, ຄວາມໄວ, ຄວາມຮ້ອນ, ສົງຄາມ, ພະລັງ, ຄວາມມີຊີວິດຊີວາ, ຄວາມອັນຕະລາຍ, ຄວາມເປັນຜູ້ນຳ, ຄວາມແຄ້ນ ແລະ ຄວາມກ້າຫານ
ພະລັງຂອງສີແດງ
ສີແດງຈະສື່ເຖີງ ພະລັງງານທາງເພດ ຊ່ວຍກະຕຸ້ນການຈະເລີນອາຫານ ແລະ ຄວາມຮູ້ສືກທາງເພດ ເພື່ອເພີ່ມການຂັບເຫຍື່ອ ເພີ່ມອັດຕາການເຜົາຜານ ແລະ ຄວາມດັນໂລຫິດ ຊ່ວຍໃຫ້ວັດຖຸສີ່ງຂອງທີ່ໂດດເດັ່ນ, ສະດຸດຕາ ເຮັດປະສາດສຳຜັດຕື່ນໂຕ ແລະເຮັດໃຫ້ມີປະຕິກິລິຍາທາງດ້ານສະໝອງໄວຂື້ນ ສວ່ນຄວາມເຊື່ອໃນຫຼັກຮ່ວງຈຸ໊ຍ ສີແດງມີພະລັງອຳນາດການປ້ອງກັນພະລັງງານທີ່ບໍ່ດີ ແຕ່ຕ້ອງລະວັງການໃຊ້ສີແດງໃນການເຈລະຈາ, ຕໍ່ລອງ ແລະ ສະຖານະການທີ່ເຄັ່ງຕືງດວ້ຍ.
2. ສີນ້ຳເງີນ – ສີຟ້າ (ປັນຍາ ແລະຄວາມຮູ້)
ຄວາມໝາຍ
ຄວາມສະຫງົບ, ຄວາມງຽບ, ຄວາມໝັ້ນຄົງ, ຄວາມສັດທາ, ຄວາມເປັນລະບຽບ, ຄວາມຈີງ, ຄວາມສຸຂຸມ, ຄວາມເຊື່ອຖື, ຄວາມຈົງຮັກພັກດີ, ຄວາມລາບລື່ບ, ຄວາມເປັນເອກະພາບ, ຄວາມເປັນອະນຸລັກນິຍົມ ແຮງບັນດານໃຈ
ພະລັງຂອງສີນ້ຳເງີນ – ສີຟ້າ
ໂທນສີນີ້ຈະໃຫ້ຄວາມຮູ້ສືກສະຫງົບຮົ່ມເຢັນທີ່ສຸດ ຊ່ວຍເຮັດໃຫ້ຜ່ອນຄາຍ ແລະ ເຮັດໃຫ້ຈິດໃຈຂອງຜູ້ຢູ່ຮູ້ສືກສະຫງົບອີກດ້ວຍ. ເນື່ອງຈາກເປັນສີທີ່ທີ່ຊ່ວຍກະຕຸ້ນປະຕິກິລິຍາເຄມີໃນທາງຮ່າງກາຍ ນອກຈາກນັ້ນຍັງເປັນສີທີ່ຄົນທົ່ວໂລກມັກຫລາຍກວ່າເຄີ່ງ ແລະ ຍັງຖືກເລືອກໃຫ້ເປັນ” ສີທີປອດໄພ”ທີ່ສຸດໃນກໍລະນີທີ່ບໍແນ່ໃຈວ່າຈະໃຊ້ສີໃດໃນການທາເຮືອນ. ໂທສີຟ້າຈະຊ່ວຍກະຕຸ້ນຄວາມຄິດສ້າງສັນແລະ ອິດສະຫຼະ ສ່ວນໂທນສີນ້ຳເງີນແມ່ນຈະສື່ເຖີງ ຖານະຂອງສັງຄົມຊັ້ນສູງ ແລະ ຄວາມລ່ຳລວຍ ສີນ້ຳເງີນເຂັ້ມສະແດງອອກໃຫ້ເຫັນເຖີງຄວາມຮູ້, ຄວາມສະຫຼຽວສະຫຼາດມີເຫດຜົນ ແລະຄວາມໄວ້ເນື້ອເຊື່ອໃຈ ຈື່ງເໝາະທີ່ຈະໃຊ້ວຽກ, ສະຖານທີ່ເຮັດວຽກ ເພາະຈະຊ່ວຍສ້າງຄວາມສຸຂຸມ ແລະ ຄວາມເປັນມືອາຊີບ
3. ສີຂຽວ(ຄອບຄົວ ແລະ ສັງຄົມ)
ຄວາມໝາຍ
ທໍາມະຊາດ, ຊີວິດ, ມະນຸດ, ການເລີ່ມຕົ້ນ, ຄວາມສົດຊື່ນ, ຄວາມປອດໄພ, ອາຫານ, ຄວາມອຸດົມສົມບູນ, ຄວາມເປັນອະມະຕະ, ຄວາມຈະເລີນຮຸ່ງເຮືອງ, ການຂະຫຍາຍຕົວ, ການດູແລ, ການປິ່ນປົວ. ຄວາມເມດຕາ, ການຄວບຄຸມ, ຄວາມສົມດູນທາງດ້ານຮ່າງກາຍແລະຈິດໃຈ, ສາຍພົວພັນທີ່ດີ.
ພະລັງຂອງສີຂຽວ
ສີຂຽວຊ່ວຍກະຕຸ້ນໃຫ້ຄົນເຮົາມີຮູ້ສຶກສົດຊື່ນ ຫຼຸດຜ່ອນຄວາມອິດເມື່ອຍ ຜ່ອນຄວາມເຄັ່ງຕຶງ ແລະ ຄວາມກັງວົນຫຼຸດລົງ. ມັນຍັງເປັນສັນຍາລັກສາກົນຂອງຄໍາວ່າ ‘ຜ່ານ’ ຫຼື ‘ໄປໄດ້’. ສີຂຽວສາມາດຊ່ວຍໃຫ້ເຈົ້າຜ່ອນຄາຍສາຍຕາ ແລະ ລະບົບປະສາດ ສີຂຽວເຂັ້ມຊ່ວຍໃນການເບິ່ງເຫັນ ແລະ ສະມາທິ. ຍິ່ງໄປກວ່ານັ້ນ, ມັນຍັງມີພະລັງຊ່ວຍໃຫ້ສະຫງົບຈິດໃຈ, ຊ່ວຍພັດທະນາອາລົມ ແລະ ພຶດຕິກຳ ບົ່ງບອກເຖິງກຽດສັກສີ ຄວາມຮັ່ງມີ ແລະ ເງິນ ສີຂຽວອ່ອນຈະຊ່ວຍໃຫ້ທ່ານຮູ້ສຶກສົດຊື່ນ ໃນຂະນະທີ່ສີຂຽວອ່ອນໝາກນາວຂອງປູນຂາວຈະສະແດງເຖິງຄວາມອ່ອນແຮງ.
4. ສີເຫຼືອງ(ສຸຂະພາບ ແລະ ຄວາມອຸດົມສົມບູນ)
ຄວາມໝາຍ
ຄວາມລື່ນເລີງເບີກບານໃຈ, ຄວາມສຸກ, ຄວາມເບີກບານມ່ວນຊື່ນ, ພະລັງງານ, ອະນາຄົດ, ການເບີ່ງໂລກແງ່ດີ, ອຸດົມຄະຕິ, ຈິນຕະນາການ, ຄວາມຫວັງ, ຄວາມສະຫວ່າງ, ລະດູຮ້ອນ, ປັນຍາ, ປັດຊະຍາ, ຄວາມຄິດສ້າງສັນ. ຄວາມບໍ່ຈິງໃຈ, ຄວາມຂີ້ຄ້ານ, ການທໍລະຍົດ, ຄວາມອິດສາ, ຄວາມເຈັບປ່ວຍ, ອັນຕະລາຍ
ພະລັງຂອງສີເຫຼືອງ
ສີເຫຼືອງເປັນສີທີ່ຊ່ວຍໃນເລື່ອງຄວາມຢາກອາຫານ ການກະຕຸ້ນສະຫມອງ ແລະ ຄວາມຈໍາ ຊ່ວຍສ້າງຄວາມຫມັ້ນໃຈ ມັນຍັງເປັນສີທີ່ຊ່ວຍໃນການຄິດວິເຄາະ ແລະ ສົມເຫດສົມຜົນ. ສີເຫຼືອງເຂັ້ມຈະຊ່ວຍໃຫ້ກະຕຸ້ນຄວາມຮູ້ສຶກ ແລະ ຄວາມຄິດເຖີງຂອງອະນາຄົດທີ່ສົດໃສ ແລະ ດີກວ່າ. ແຕ່ສີເຫຼືອງອອ່ນເຮັດໃຫ້ຄວາມຮູ້ສຶກຂອງພະຍາດ ແລະ ຄວາມອ່ອນເພຍ. ທາງດ້ານຈິດວິທະຍາສາດ, ສີເຫຼືອງຊ່ວຍເຊື່ອມຕໍ່ກັບຈິດໃຕ້ສຳນືກ. ສີເຫຼືອງແມ່ນສັນຍາລັກທົ່ວໄປຂອງການເຕືອນໃຫ້ລະວັງຄວາມລະມັດລະວັງ ແລະ ມັນເປັນສີທີ່ສົ່ງພະລັງງານອອກໄປສູ່ສະຫມອງຂອງພວກເຮົາໄວທີ່ສຸດອີກດວ້ຍ.
5. ສີສົ້ມ(ຈິດວີນຍານ ແລະ ຄວາມຮູ້)
ຄວາມໝາຍ
ພະລັງ, ຄວາມກະຕືລືລົ້ນ, ຊີວິດຊີວາ, ຄວາມມ່ວນຊື່ນ, ການຜະຈົນໄພ, ຄວາມອົບອຸ່ນ, ຄວາມຍຸຕິທໍາ, ຄວາມຮູ້, ມາລະຍາດ, ຄວາມຫຼົງໄຫຼ, ມີສະເໜ່, ຄວາມສຸກ, ຄວາມຫມັ້ນໃຈ, ຄວາມປາຖະຫນາ, ການເກັບກ່ຽວ, ພາກຮຽນ ລະດູໃບໄມ້ປົ່ງ
ພະລັງຂອງສີສົ້ມ
ສີສົ້ມເປັນສີທີ່ກະຕຸ້ນພະລັງງານແລະຄວາມສົດຊື່ນ. ມັນສະແດງໃຫ້ເຫັນທັດສະນະໃນການເບີ່ງໂລກແງ່ດີ ຈົນໄປເຖີງສຸຂະພາບດີ ເຊັ່ນດຽວກັນກັບຄວາມອຸດົມສົມບູນຂອງໝາກກ້ຽງ. ສີສົ້ມສື່ໄປເຖີງລົດຊາດ ແລະ ກະຕຸ້ນຄວາມຢາກອາຫານ. ສີສົ້ມມີສີຂຶງຄວາມມ່ວນຊື່ນແລະ ຜະຈົນໄພ ມັນຍັງຊ່ວຍກະຕຸ້ນການສື່ສານທີ່ດີ. ສີສົ້ມກະຕຸ້ນການເຮັດວຽກທາງດ້ານຈິດໃຈ ແລະ ເພີ່ມປະລິມານອາກາດຜ່ານໄປສູ່ສະຫມອງ ຊ່ວຍກະຕຸ້ນການຈັດລະບຽບ ຫຼື ສັ່ງສິ່ງຂອງ. ຍິ່ງໄປກວ່ານັ້ນ, ມັນຍັງມີອໍານາດທີ່ຈະດຶງດູດຄວາມສົນໃຈ, ໂດຍສະເພາະເດັກນ້ອຍ. ຊ່ວຍສົ່ງເສີມການພົວພັນທາງສັງຄົມ ແລະກະຕຸ້ນຄວາມອຶດຫິວໄດ້ດີ.
6. ສີມ່ວງ(ຄວາມລ່ຳລວຍລຸ່ງໂລດ)
ຄວາມໝາຍ
ຈິດວິນຍານ,ຄວາມສູງສົ່ງ, ຄວາມຫລູຫລາ, ການສະເຫຼີມສະຫລອງ, ເວດມົນ, ຄາຖາ, ຄວາມລືກລັບ ແລະ ເພີ້ຝັນ, ປັນຍາ, ການຫັນປ່ຽນ, ການປຸງແຕ່ງ ຄວາມໂສກເສົ້າ
ພະລັງຂອງສີມ່ວງ
ສີມ່ວງເປັນສີທີ່ຊ່ວຍໃນການສະມາທິ. ແລະມັນຍັງຊ່ວຍໃຫ້ນອນຫລັບເລິກໄດ້ດີ. ກະຕຸ້ນຄວາມຄິດສ້າງສັນໂດຍຜ່ານຄວາມຝັນແລະສະຕິປັນຍາ ແລະ ສໍາຄັນທີ່ສຸດ, ມັນຍັງສາມາດຊ່ວຍສະຫງົບຈິດໃຈທີ່ວຸ່ນວາຍ. ສີມ່ວງເຂັ້ມສະແດງໃຫ້ເຫັນຄວາມຫລູຫລາ. ແຕ່ມັນຖືກເຊື່ອງໄວ້ດ້ວຍຄວາມຮູ້ສຶກໂສກເສົ້າ, ການໄຫວ້ອາໄລ ແລະ ຄວາມຄຽດແຄ້ນ. ສໍາລັບສີມ່ວງອ່ອນ, ມັນກະຕຸ້ນຄວາມຮູ້ສຶກອອ່ນໄຫ້ວໃນໂຕທ່ານ, ຄວາມໂລແມນຕິກ ແລະ ຄວາມຄິດສ້າງສັນ ບໍ່ແມ່ນພຽງແຕ່ເທົ່ານັ້ນ, ສີມ່ວງຍັງຊ່ວຍປະຕິບັດຄວາມຄິດ ແລະ ຄວາມປາຖະຫນາພາຍໃນຂອງເຈົ້າ. ສະແດງຄວາມເຫັນອົກເຫັນໃຈ ເຊື່ອມຕໍ່ກັບພະລັງງານທາງວິນຍານ ແລະ ຈິດໃຈ. ແມ່ຍິງສ່ວນໃຫຍ່ຈະມັກສີມ່ວງອ່ອນໆ. ໃນຂະນະທີ່ຜູ້ຊາຍມັກສີມ່ວງເຂັ້ມ.
7. ສີບົວອອ່ນ(ຄວາມສຳພັນ ແລະ ຊີວິດຄູ່)
ຄວາມໝາຍ
ຄວາມນຸ້ມນວນ, ຄວາມອ່ອນໂຍນ, ຄວາມບໍລິສຸດ ຄວາມອ່ອນໂຍນ ການດູແລເອົສໃຈໃສ, ການຖະນຸຖະໜອມ, ຄວາມເອື້ອເຟື້ອເພື່ອແຜ່, ຈິດໃຈດີ, ຄວາມຫວານຄວາມເບາະບາງ, ເທວະດາ, ຜູ້ຍິງ, ຄວາມຮັກ, ຄວາມເອັນດູ, ຫົວໃຈ, ມິດຕະພາບ, ສະເຫນ່, ສຸຂະພາບດີ, ຄວາມຮູ້ສຶກທີ່ອ່ອນໄຫວ.
ພະລັງຂອງບົວອອ່ນ
ສີບົວມີພະລັງໃນການຮັກສາໂດຍສະເພາະຜູ້ທີ່ມີບັນຫາທາງດ້ານອາລົມ, ສິບົວອອ່ນຍັງຂຊ່ວຍໃຫ້ຈິດໃຈສະຫງົບ ຜ່ອນຄາຍແລະອອ່ນໂຢນໄດ້ອີກດ້ວຍ, ສີບົວຊ່ວຍກະຕຸ້ນການຮູ້ສືກຮັກ, ຄວາມຊຶ່ນຊົມ ແລະຄວາມຫນ້າທະນຸທະໜອມ,ດືງດູດຄວາມອອ່ນເຢົາຄວາມກະປີກະເປົ່າ, ສ່ວນສີບວອອ່ນຈະດືງດູດຄວາມຫວານ, ຄວາມຮັກ,ຄວາມມີສະເໜ່,ຄວາມອອ່ນໂຢນ ແລະ ຮັກແບບບໍ່ມີເງື່ອນໄຂ
8. ສີຂາວ(ເດັກ ແລະ ຄວາມຄິດສ້າງສັນ)
ຄວາມໝາຍ
ຄວາມບໍລິສຸດ, ສັນຕິພາບ, ຄວາມໝັ້ນຄົ/, ຄວາມດີ, ຄວາມລຽບງ່າຍ, ຄວາມສະອາດ, ຄວາມອອ່ນດ່ຽງສາ. ອອ່ຍເຍົາ, ການປົດປ່ອຍ, ຄວາມຫວ່າງເປົ່າ, ຄວາມສະເຫມີພາບ, ການເກີດ, ການແຕ່ງງານ, ການເສຍຊີວິດ, ບ້ານພະຍາບານ, ຫິມະ, ພູມຕ້ານທານ, ຄວາມເຢັນ, ລະດູຫນາວ.
ພະລັງຂອງສີຂາວ
ສີຂາວມີອໍານາດທີ່ຈະຊ່ວຍສ້າງຄວາມສົມດຸນໃນການຕັດສິນໃຈ ແລະ ແນ່ນອນ, ມັນສ້າງຄວາມຮູ້ສຶກຂອງຄວາມສະອາດ, ຄວາມປອດໄພ, ແລະຄວາມລຽບງ່າຍ. ສີຂາວສະແດງເຖິງຄວາມສົມບູນແບບ, ຄວາມເປີດເຜີຍ, ຄວາມຈິງ, ຄວາມເມດຕາ, ການຮັກສາ, ໃນທາງບວກ, ແລະ ເຮັດຄວາມສະອາດຄວາມຄິດແລະຄວາມຮູ້ສຶກ ແລະ ພະລັງງານທາງລົບ ມັນເຮັດໃຫ້ພື້ນທີ່ຫວ່າງສໍາລັບແນວຄວາມຄິດໃຫມ່. ແຕ່ໃນດ້ານລົບ, ສີຂາວຍັງສະແດງເຖິງຄວາມຮູ້ສຶກເຢັນ, ເບື່ອ, ຈືດໆ ແລະ ບໍ່ພໍໃຈ. ຖ້າໃຊ້ຫຼາຍເກີນໄປ, ມັນສາມາດເຮັດໃຫ້ເຈົ້າຮູ້ສຶກເປົ່າຫວ່າງແລະ ໂດດດ່ຽວ. ໃນຈຸດນີ້, ທ່ານຕ້ອງລະມັດລະວັງ.
9. ສີດຳ(ຕົວຕົນ ແລະ ຫນ້າທີ່ການງານ)
ຄວາມໝາຍ
ພະລັງອຳນາດ, ຄວາມຮອບຮູ້, ຄວາມເລີກເຊີງ, ຄວາມນ່າເກງຂາມ ຄວາມເປັນທາງການ, ຄວາມຫຼູ່ຫຼາ, ຄວາມທຸກ, ຄວາມໂສກເສົ້າ, ຄວາມໂກດແຄ້ນ, ຄວາມຕາຍ, ຄວາມຫຼົງໄຫຼ. ການຄວບຄຸມ, ຄວາມມືດ, ຄວາມລຶກລັບ, ຄວາມຢ້ານກົວ, ຄວາມຊົ່ວຮ້າຍ.
ພະລັງຂອງສີດຳ
ສີດໍາເປັນສີອຳມາຕະຄລາສສິກ ມັນບົ່ງບອກຄວາມຮູ້ສຶກຂອງຄວາມລຶກລັບ ແລະ ບໍ່ເປັນທີ່ຮູ້ຈັກ. ແຕ່ມັນຍັງເປັນສີທີ່ນິຍົມສໍາລັບຄົນຈໍານວນຫຼາຍ. ສີດໍາສົ່ງເສີມການຄວບຄຸມຕົນເອງ ແລະ ຄວາມເປັນອິດສະຫຼະ. ມັນເປັນສັນຍາລັກຂອງການເບິ່ງບໍ່ເຫັນ, ຄວາມຊົ່ວຮ້າຍ, ແລະຄວາມມືດ ໃນຂະນະທີ່ຍັງໃຫ້ຄວາມຮູ້ສຶກຂອງຫຼູ່ຫຼາ, ລາຄາແພງ ແລະ ມີລົດນິຍົມ. ສີດໍາແມ່ນສີທີ່ດຶງດູດພະລັງງານທາງລົບ. ຖ້າໃຊ້ຫຼາຍເກີນໄປ, ມັນເຮັດໃຫ້ເກີດຄວາມອຶດອັດ ຄວາມບໍ່ສະບາຍໃຈ ສາມາດສ້າງບັນຍາກາດຂອງຄວາມບໍ່ເປັນມິດ, ການຄອບຄອງ ແລະການສີ້ນສຸດ.
10. ສີນ້ຳຕານ(ສຸຂະພາບ ແລະຄວາມສຳພັນໃນຄອບຄົວ)
ຄວາມໝາຍ
ຄວາມເປັນມິດ, ຄວາມອົບອຸ່ນ, ຄວາມຈິງໃຈ, ຄວາມເຂັ້ມແຂງ, ຄວາມຊື່ສັດ, ຄວາມໄວ້ວາງໃຈ, ສຸພາບ, ຄວາມຍືນຍົງ, ຄວາມທົນທານ, ຄວາມງ່າຍດາຍ, ການເປັນຜູ້ໃຫຍ່ ແລະ ສະເຫມີພາບ
ພະລັງຂອງສີນ້ຳຕານ
ສີນ້ໍາຕານສ້າງບັນຍາກາດທີ່ອົບອຸ່ນ ແລະ ເຂົ້າໄດ້ກັບເກືອບທຸກສີໃຫ້ຄວາມຮູ້ສຶກຂອງການເຊື່ອມຕໍ່ທີ່ສົມບູນກັບສະພາບແວດລ້ອມທໍາມະຊາດ, ຄວາມຫມັ້ນຄົງ ແລະ ຄວາມຖ່ອມຕົວ. ນອກຈາກນັ້ນ, ສີນ້ໍາຕານຊີ້ໃຫ້ເຫັນຄວາມເປັນເຈົ້າຂອງ ຄວາມເປັນລະບຽບຮຽບຮ້ອຍ ຄວາມຮູ້ສຶກຂອງຄອບຄົວ ເປັນສວ່ນຫນື່ງຂອງຄວາມປອງດອງ, ຄວາມສະດວກສະບາຍ ແລະ ລົດຊາດທີ່ດີໃນຊີວິດ, ມີສະຕາຍ,ມີເປົ້າໝາຍ ແລະ ໂຊກທາງດ້ານການເງີນ ໃນຂະນະທີ່ພະລັງງານທາງລົບຈະເຮັດໃຫ້ມີຄວາມເສຍຊາ, ຂີ້ຖີ້, ຄວາມເສົ້້າ, ຄວາມໜ້າເບື່ອ ແລະ ເປັນຄົນຍີ້ມຍາກ
11. ສີເທົາ(ເພື່ອນມິດ, ຜູ້ອຸປະຖຳ ແລະ ການເດີນທາງ)
ຄວາມໝາຍ
ຄວາມອອ່ນນ້ອມຖ່ອມຕົນ, ກຽດສັກສີ, ສະຖຽນລະພາບ, ຄວາມໝັ່ນຄົງ, ຄວາມເປັນທາງການ, ຄວາມເປັນລະບຽບຮຽບຮ້ອຍ, ສະຕິປັນຍາ, ຄວາມສະຫລາດ, ຄວາມໄວ້ວາງໃຈ, ຄວາມຈົງຮັກພັກດີ, ຄວາມເປັນຜູ້ໃຫ່ຍ, ຄວາມໂສກເສົ້າ, ຄວາມເບື່ອຫນ່າຍ, ມີຄວາມເປັນອະນຸລັກນິຍົມ.
ພະລັງຂອງສີເທົາ
ສີຂີ້ເຖົ່ານີ້ຈະມີຜົນກະທົບຫນ້ອຍກວ່າສີອື່ນ ສີຂີ້ເຖົ່າມີພະລັງອຳນາດເຮັດໃຫ້ຈິດໃຈສະຫງົບ ແລະ ຄວາມໝັ່ນຄົງ. ແຕ່ມັນອາດຈະເຮັດໃຫ້ຮູ້ສຶກລັງເລໃນການຕັດສິນໃຈ. ສີຂີ້ເຖົ່າເປັນສີທີ່ບໍ່ສ້າງຄວາມຮູ້ສຶກທາງດ້ານອາລົມ ອາດຈະເຮັດໃຫ້ຮູ້ສືກເສີຍຊາ ແລະ ບໍ່ມີຊີວິດຊີວາ. ຢ່າງໃດກໍ່ຕາມ, ພະລັງງານທີ່ຖືກດຶງດູດຈະແຕກຕ່າງກັນໄປຕາມຄວາມເຂັ້ມຂົ້ນຂອງສີ. ສີເທົາແມ່ນສະແດງໃ້ເຫັນເຖີງຄວາມມີໄຫວພິບ, ສະຫຼຽວສະຫລາດ, ມີຄວາມຖ່ອມຕົວ ແລະ ມີວຸດທິພາວະ ສື່ເຖິງກຽດສັກສີ, ຄວາມສະຫງ່າງາມ, ມີລະດັບ ແລະ ການປະນີປະນອມ. ສີເທົາເປັນສີທີ່ບໍ່ຮຽກຮ້ອງຄວາມສົນໃຈ ແລະ ເປັນພື້ນຫລັງເພື່ອເຮັດໃຫ້ສີອື່ນໂດດເດັ່ນ. ເຊິ່ງສາມາດຊ່ວຍສ້າງຄວາມຮູ້ສຶກຜ່ອນຄາຍ ແລະ ສະຫງົບໃຫ້ກັບຈິດໃຈ. ສີເທົາອ່ອນໆແມ່ນສື່ເຖີງຜູ້ຍີງຍິງ. ໃນຂະນະທີ່ສີຂີ້ເຖົ່າເຂັ້ມແມ່ນສື່ເຖີງຜູ້ຊາຍ.
12. ສີທອງ(ຄວາມມັ່ງຄັ່ງ ແລະ ຄວາມຫຼູ່ຫຼາ)
ຄວາມໝາຍ
ຄວາມຫຼູຫຼາ, ມີລະດັບ, ຄວາມສູງສົ່ງ, ຄວາມສໍາເລັດ, ຄວາມເປີດເຜີຍ, ຄວາມຮອບຮູ້, ຄວາມຫມັ້ນໃຈ, ໄຊຊະນະ, ຄຸນນະທຳ, ຄວາມເມດຕາ, ຄວາມໃຈກວ້າງ, ຄວາມຕັ້ງໃຈ, ເວດມົນ, ການຫຼົງໂຕເອງ, ວາມອິດສາ, ຄວາມຫຼອກລວງ.
ພະລັງຂອງສີທອງ
ສີນີ້ອາດຈະເປັນສີມັກຂອງຫຼາຍຄົນ ສີທອງຊີ້ບອກເຖິງຄຸນຄ່າ, ລົດນິຍົມ, ຄວາມຈະເລີນຮຸ່ງເຮືອງ ແລະ ພະລັງອຳນາດຂອງເພດຊາຍ ສີທອງເຮັດໃຫ້ທຸກສິ່ງທຸກຢ່າງທີ່ຢູ່ອ້ອມຮອບມັນສົດໃສ ເພີ່ມຄວາມອົບອຸ່ນ ແລະ ດຶງດູດຄວາມຮັ່ງມີ. ນອກຈາກນັ້ນ, ມັນຍັງນໍາເອົາຄວາມສຸກສົມຫວັງ, ຄວາມສໍາເລັດໃນຊີວິດ, ອຳນາດ, ມິດຕະພາບ ແລະ ການເບີ່ງໂລກໃນທາງບວກ, ສຸຂະພາບທີ່ດີ. ການນໍາໃຊ້ສີທອງທີ່ສົມດູນຈະຊ່ວຍໃຫ້ເປັນທີ່ຮັກແພງຂອງຄົນທີ່ຢູ່ອອ້ມຂ້າງ ມັນຊ່ວຍພັດທະນາຈິດໃຈ, ຄວາມເປັນຜູ້ໃຫຍ່ ແລະ ສະຕິປັນຍາ, ແຕ່ຖ້າໃຊ້ຫຼາຍເກີນໄປ, ມັນຈະດຶງດູດຄວາມຈອງຫອງ,ທະນົງໂຕ, ຄວາມໂລບ, ບໍ່ໄວ້ວາງໃຈ ແລະ ເປັນຄົນທີ່ມັກຮຽກຮ້ອງຄວາມສົນໃຈ.
13. ສີເງີນ(ຄວາມສະຫງ່າງາມ)
ຄວາມໝາຍ
ຄວາມຫລູຫລາ, ກຽດຕິຍົດ, ຄວາມສະຫງ່າງາມ, ຄວາມມີນ້ຳໃຈ, ການເຂົ້າເຖິງ, ຄວາມຊັດເຈນ, ຄວາມອ່ອນໂຍນ, ຄວາມອ່ອນໄຫວ, ຄວາມຄິດສ້າງສັນ, ເຕັກໂນໂລຢີ, ຄວາມທັນສະໄຫມ, ຄວາມເປັນລະບຽບ. ຄວາມເສີຍຊາ, ການປິດບັງຄວາມຮູ້ສຶກ.
ພະລັງຂອງສີເງີນ